کینبرا: آسٹریلیا نے تیسرے ایک روزہ میچ میں جنوبی افریقہ کو جیت کے لئے تین سو تیس رنز کا ہدف دے دیا۔ کینبرا میں کھیلے جانے والے میچ کا ٹاس آسٹریلیا نے جیت کر پہلے بیٹنگ کا فیصلہ کیا۔
فنچ اور وارنر نے ٹیم کو ایک سو اٹھارہ رنز کا شاندار آغاز فراہم کیا۔ وارنر تریپن رنز بناکر آؤٹ ہوئے۔ فنچ نے سینچری بنائی۔ وہ ایک سو نو رنز بناکر پویلین لوٹے۔
جس کے بعد شین واٹسن اور اسٹیون اسمتھ کی برق رفتار اننگز کی بدولت ٹیم کا اسکور تین سو رنز سے عبور کرگیا ۔اسمتھ نے بہتر اور واٹسن نے چالیس رنز کی اننگز کھیلی۔ آسٹریلیا نے مقررہ اوورز میں پانچ وکٹوں پر تین سو انتیس رنزبنائے۔
