اسلام آباد : صحافی برادری نے یوم دفاع کے موقع پر قوم کیلئے خاص پیغام میں کہا کہ آئیں آج مل کر شہدا اور غازیوں کو سلام پیش کریں جن کی قربانیوں کی وجہ سے ہم آزاد فضا میں سانس لے رہے ہیں۔
تفصیلات کے مطابق یوم دفاع کے موقع پر صحافی برادری نے قوم کیلئے اپنے خاص پیغام میں کہا کہ چھ ستمبر وہ تاریخی دن تھا جس روز ہر مکتبہ فکر کے لوگ اتحاد اور یکجہتی کی علامت بن چکے تھے، یہ وہ سنہری دن تھا جب پوری دنیا نے حقیقی معنوں میں قومی اتحاد کا نظارہ کیا۔
صحافی برادری کا کہنا تھا کہ تاریخ گواہ ہے چھ ستمبر کو دینی رہنما ایک صف میں نظر آئے، بچے،بزرگ اورجوان سب جذبہ حب الوطنی سےسرشارتھے اور قوم سیسہ پلائی ہوئی دیوارکی طرح سےاپنی افواج کے پشت پرکھڑی تھی۔
صحافی برادری نے مزید کہا کہ یہی وہ قومی اتحادتھاجس کی بناپرہماری افواج نےاپنےسےدوگنابڑی دشمن فوج کوشکست کامزہ چکھایا، آئیں آج مل کر شہدا اور غازیوں کو سلام پیش کریں جن کی قربانیوں کی وجہ سے ہم آزاد فضا میں سانس لے رہے ہیں۔
صحافی برادری نے روز دیا کہ عہد کریں کہ ہم1965والااتحاددوبارہ سےقائم کریں گےتاکہ اندرونی اور بیرونی دشمنوں کو شکست دے سکیں، پاک فوج زندہ بادپاکستان پائندہ باد۔
