راولپنڈی: توشہ خانہ کیس میں نیب راولپنڈی نے چیئرمین پی ٹی آئی کی اہلیہ کو کل صبح 11 بجے طلب کرلیا۔

اے آر وائی نیوز کے مطابق نیب نوٹس میں کہا گیا ہے کہ ایک چین کے ساتھ لاکٹ، ٹاپس کا جوڑا 26 جون 2019 کو وصول کیا گیا، سونے اور ہیرے کی انگوٹھی، سونے اور ہیرے کا بریسلٹ، ہار بھی ظاہر نہیں کیا گیا۔

نیب نوٹس کے مطابق تحائف 18 ستمبر 2020 کو وصول کیے گئے۔

نیب کا کہنا ہے کہ ایک ہار، انگوٹھی اور بریسلٹ واچ 21 مئی 2021 کو وصول کیے۔

ذرائع نے بتایا کہ نیب کی مشترکہ تحقیقاتی ٹیم بشریٰ بی بی سے تحقیقات کرے گی۔

واضح رہے کہ نیب نے بشریٰ بی بی کو 29 اگست کو بھی طلب کیا تھا۔

ذرائع کا کہنا تھا کہ بشریٰ بی بی اپنے شوہر سے ملاقات کے باعث 29 اگست کو شامل تفتیش نہیں ہوئی تھیں اور ان کے وکیل نے نیب کو طلبی کی نئی تاریخ کی درخواست دی تھی۔