پبلک ٹرانسپورٹ یا ٹرین میں سفر کرنے سے قبل ٹکٹ حاصل کرنا ضروری ہوتا ہے جس کے بعد ہی آپ اپنی منزل مقصود پر پہنچ سکتے ہیں۔
بھارت میں ٹرین کے ٹکٹ سے متعلق انوکھا واقعہ پیش آیا جہاں خاتون نے ایمانداری دکھاتے ہوئے ٹرین میں ساتھ سفر کرنے والی اپنی بکری کا بھی ٹکٹ بک کروالیا۔
سوشل میڈیا سائٹ ایکس(ٹوئٹر) پر ایک دلچسپ ویڈیو وائرل ہورہی ہے جس میں ایک ٹرین میں بکری کو اپنی مالکن کے ساتھ سوار دیکھا جاسکتا ہے۔
Got this video in WA
This lady is taking her goat in the train..and she bought a ticket for the goat.
Look at her pride in her own honesty when she replies to the ticket collecting officer pic.twitter.com/2Du1Gq8a6o— D Prasanth Nair (@DPrasanthNair) September 5, 2023
ویڈیو میں دیکھا جاسکتا ہے کہ خاتون کے ساتھ اس کی بکری ٹرین میں موجود ہے اور ٹرین میں ٹکٹ چیک کرنے والے افسر نے خاتون سے ٹکٹ مانگا۔
اس دوران ٹکٹ چیکر نے خاتون سے بکری سے متعلق پوچھا جس پر انہوں نے اپنی بکری کا بھی ٹکٹ خرید لیا۔
اس ویڈیو پر سوشل میڈیا صارفین کی جانب سے ملے جلے تبصروں کا سلسلہ جاری ہے اور خاتون کے اس اقدام کو سراہا جارہا ہے۔
