کابل: چین نے افغانستان کے لیے اپنا سفیر تعینات کر دیا ہے۔
تفصیلات کے مطابق چین نے افغانستان میں اپنا سفیر تعینات کر دیا، چینی سفیر جاؤ شینگ نے اپنا تعیناتی خط ارگ میں وزیر اعظم ملا محمد حسن اخوند کو پیش کر دیا۔
چینی سفیر جاؤ شینگ کو بدھ کو صدارتی محل (ارگ) میں گارڈ آف آرنر پیش کیا گیا۔
افغانستان میں امریکی انخلا کے بعد طالبان کے ہاتھوں حکومت کا تختہ الٹنے کے بعد سے چین کابل کے ساتھ مؤثر طریقے سے سفارتی تعلقات قائم کرنے والا پہلا ملک بن گیا ہے۔
واضح رہے کہ افغانستان میں چین کا اثر و رسوخ بڑھتا جا رہا ہے، جس سے افغانستان میں امن کے قیام میں مدد مل سکتی ہے، تاہم چین نے بھی تاحال دیگر ممالک کی طرح امارت اسلامیہ کو تسلیم نہیں کیا ہے۔
