ایشیا کپ کے لیے قومی فاسٹ بولر شاہنواز دھانی اسکواڈ جوائن کرنے کیلیے کولمبو پہنچ گئے ہیں زخمی نسیم شاہ آج وطن واپس روانہ ہوں گے۔
ایشیا کپ کے سپر فور مرحلے میں بھارت سے بڑے مقابلے میں جہاں پاکستان کو شرمناک شکست کا سامنا کرنا پڑا وہیں قومی ٹیم کے دو مرکزی فاسٹ بولر نسیم شاہ اور حارث رؤف انجرڈ ہوگئے جس میں حارث تو آج کا میچ نہیں کھیل رہے جب کہ نسیم شاہ پورے ایونٹ سے ہی باہر ہوگئے۔
پاکستان نے دو اہم فاسٹ بولرز کے زخمی ہونے پر بیک اپ کے لیے شاہنواز دھانی اور زمان خان کو طلب کیا تھا جن میں سے زمان خان نے گزشتہ روز کولمبو پہنچے تھے جب کہ شاہنواز دھانی نے آج سری لنکن دارالحکومت پہنچ کر قومی ٹیم کو جوائن کر لیا ہے۔
شاہنواز ڈھانی آج میچ کا حصہ نہیں ہوں گے اگر پاکستان سری لنکا کو شکست دینے میں کامیاب رہا تو فائنل میچ کی الیون کا لازمی حصہ بنیں گے جو آج کے میچ کی فاتح ٹیم اور بھارت کے درمیان 17 دسمبر کو کولمبو میں ہی کھیلا جائے گا۔
کولمبو میں اہم میچ سے قبل بادلوں اور سورج کی آنکھ مچولی جاری
دوسری جانب زمان خان آج ونڈ ڈے کرکٹ میں ڈیبیو کریں گے اور اس حوالے سے وہ پرجوش ہیں۔ ان کا کہنا ہے کہ کبھی نہیں سوچا تھا کہ ایشیا کپ کھیلوں گا۔ میچ کے لیے شاہین شاہ اور حارث رؤف سے بولنگ ٹپس لی ہیں اور میدان میں اپنی 100 فیصد کارکردگی دکھانے کے لیے مکمل تیار ہوں۔
