لاڑکانہ : کچے کے ڈاکوؤں کے خلاف مکمل آپریشن کا فیصلہ کرلیا گیا، ڈاکوؤں کےمکمل خاتمے تک جاری رہے گا۔
تفصیلات کے مطابق لاڑکانہ میں ڈی آئی جی جاویدجسکانی اور رینجرز حکام کی سربراہی میں اجلاس ہوا، جس میں کچے کے ڈاکوؤں کے خلاف مکمل آپریشن کرنے کا فیصلہ کیا گیا۔
اجلاس میں بریفنگ دیتے ہوئے بتایا گیا کہ آپریشن میں پاک آرمی،انٹیلی جنس ادارے بھی شامل ہوں گے، آپریشن کچے کے علاقوں سمیت پکےکے علاقوں میں بھی کیاجائے گا اور ڈاکوؤں کےمکمل خاتمے تک آپریشن جاری رہے گا۔
کچے کے علاقوں میں موبائل فون اورانٹرنیٹ سروس بھی معطل ہوگی جبکہ آپریشن کےدوران داخلی وخارجی راستوں پرمکمل چیکنگ ہوگی۔
یاد رہے نگراں وزیر اعلی سندھ نے کابینہ اجلاس میں کچے کے علاقوں رینجرز اور پولیس کے مشترکہ آپریشن کے احکامات دیئے تھے۔
اجلاس میں کہا گیا تھا کہ ڈی جی رینجرز سندھ میجر جنرل اظہر وقاص کی زیر نگرانی کچے میں ڈاکوئوں کے خاتمے کیلئے آپریشن ہوگا، سندھ رینجرز کے جوان اور سندھ پولیس کے اہلکار کچے میں مشترکہ آپریشن کریں گے ،
