سندھ کے شہر حیدرآباد میں سول اسپتال سے اغوا ہونے والے بچے کو سانگھڑ سے بازیاب کروالیا گیا۔
اے آر وائی نیوز نے مطابق حیدرآباد سول اسپتال سے اغوا ہونے والے 6 سالہ بچے اذان کو پولیس نے سانگھڑ سے بازیاب کرواکر خاتون اور مرد کو گرفتار کرلیا۔
سول اسپتال سے اغوا ہونے والے بچے اذان کے والدین نے صبح ایس ایس پی آفس حیدرآباد کے سامنے دھرنا دیا تھا۔
ایس ایس پی امجد شیخ نے دعویٰ کیا ہے کہ اذان کو بازیاب کروالیا ہے۔
انہوں نے بتایا کہ پولیس نے خفیہ اطلاع پر سانگھڑ میں ایک مکان پر چھاپہ مار کر اغوا میں ملوث محمد اسلم ملک اور فریدہ نامی خاتون کو گرفتار کیا ہے۔
پولیس کا بتانا ہے کہ واردات میں استعمال ہونے والی موٹر سائیکل بھی برآمد کرلی گئی ہے۔
واضح رہے کہ سول اسپتال سے اغوا ہونے والے بچے چھ سالہ اذان کے والدین کے ہمراہ اہل محلہ نے ایس ایس پی آفس کے سامنے دھرنا دیا تھا اور بچے کی فوری بازیابی کا مطالبہ کیا تھا۔
