بھارتی حکومت نے پاکستانی ٹیم کو ورلڈ کپ میں شرکت کے لیے سیکیورٹی کلیئرنس کا این او سی جاری کردیا ہے۔
اے آر وائی نیوز کے مطابق پی سی بی ذرائع کا کہنا ہے کہ بھارتی ہائی کمیشن کو سیکیورٹی کلیئرنس کا این او سی موصول ہوگیا ہے، قومی اسکواڈ کو بھارتی ویزوں کے اسٹیکر لگے پاسپورٹس کل بروز منگل کو موصول ہوں گے۔
قومی اسکواڈ ورلڈ کپ کے لیے 27 ستمبر بروز بدھ کو شیڈول کے تحت بھارت روانہ ہوگا۔
واضح رہے کہ اس سے قبل پی سی بی نے قومی ٹیم کے بھارتی ویزوں کے تاخیر کے معاملے پر انٹرنیشنل کرکٹ کونسل (آئی سی سی) کو خط لکھا تھا۔
ذرائع کا کہنا تھا کہ پی سی بی نے خط کے ذریعے اپنا احتجاج ریکارڈ کرایا تھا، خط میں اپنے تحفظات اور خدشات کا بھی اظہار کیا تھا، پی سی بی نے ہوسٹ ممبرز ایگریمنٹ کی یاد دہانی بھی کرائی تھی۔
خط میں کہا گیا تھا کہ تین سال سے اسی ایشو کے حوالے سے بار بار کہا گیا، پاکستان کے تحفظات پر کسی قسم کا دھیان نہیں دیا گیا، آج صورت حال یہ ہےکہ تاحال پاکستانی اسکواڈکو بھارت کے ویزے جاری نہیں ہوئے۔
