اسلام آباد : پاکستان تحریک انصاف کے رہنما اسد عمر نے سوال کیا ہے کہ ایک فیصلہ جو نوازشریف کے لئےاچھا نہیں، لیکن اس پرشہبازشریف کیوں خوش ہیں؟
تفصیلات کے مطابق پاکستان تحریک انصاف کے رہنما اسد عمر نے عدالت میں پیشی کے موقع پر میڈیا سے گفتگو میں صحافی نے سوال کیا سپریم کورٹ کے کل کے فیصلے کو کیسے دیکھتے ہیں؟ جس پر پی ٹی آئی رہنما نے جواب دیا کہ کل کا فیصلہ درست ہے۔
نواز شریف وطن واپس آئیں گے؟ اسد عمر نے نواز شریف کے وطن واپس کے سوال پر کہا کہ سپریم کورٹ کے فیصلے کے بعد یہ اچھا سوال ہے کہ نواز شریف واپس آئیں گے یا نہیں۔
میڈیا سے گفتگو کے دوران اسد عمر کا کہنا تھا کہ میرا معصومانہ سوال یہ ہےکہ ایک فیصلہ جو نوازشریف کے لئےاچھا نہیں، لیکن اس پرشہبازشریف کیوں خوش ہیں، بڑی بات ہےکہ ایک فیصلے پر تحریک انصاف بھی خوش ہے اورشہبازشریف بھی خوش ہے
صحافی نے سوال کیا عثمان ڈار اور صداقت عباسی کی طرح کیا آپ بھی پروگرام میں جائیں گے تو رہنما پی ٹی آئی نے کہا کہ اگر میں نے کوئی ایسا کام کرنا ہوتا تو کر چکا ہوتا۔
