بالی ووڈ کی خوبرو اداکارہ تمنا بھاٹیا کی اسکول کے دنوں کی ویڈیو سوشل میڈیا پر وائرل ہوگئی۔
اداکارہ تمنا بھاٹیا نے 2005 میں فلم ’چاند سا روشن چہرہ‘ سے ڈیبیو کیا تھا، ان کی ماضی کی ویڈیو سوشل میڈیا پر وائرل ہورہی ہے جس میں تمنا بھاٹیا 2004-05 میں ڈیبیو فلم کے موقع پر گفتگو کررہی ہیں۔
ویڈیو میں تمنا بھاٹیا نے کہا کہ ’میں ابھی اسکول میں ہوں اور 2005 میں دسویں جماعت کا امتحان دینے والی ہوں۔‘
اداکارہ کہتی ہیں کہ ابھی امتحان کی بھی تیاریاں چل رہی ہیں حالانکہ جب میں فلم سائن کی تھی اس وقت ساڑھے 13 سال کی تھی اور دسویں جماعت کا امتحان پاس کرنے والی ہوں۔
تمنا بھاٹیا کی ویڈیو سوشل میڈیا پر تیزی سے وائرل ہوگئی اور صارفین کی جانب سے اس پر تبصرے بھی کیے جارہے ہیں۔
ایک صارف نے لکھا کہ ’تمنا 20 سے 21 سال کی لگ رہی ہیں وہ کہیں سے بھی ساڑھے 13 سال کی نہیں لگ رہیں بہرحال بہت سی اداکارائیں عمر سے متعلق جھوٹ بولتی ہیں۔‘
دوسرے صارف نے لکھا کہ ’کیا میں واحد ہوں جو نہیں جانتا یہ کون ہیں۔‘ تیسرے صارف نے لکھا کہ اتنی میچور آواز 15 سے 16 سال کی عمر میں نہیں ہوسکتی۔‘
ایک اور صارف نے لکھا کہ ’بہت عجیب ہے۔‘ ایک صارف نے لکھا کہ ’سب سے کم عمر تمنا۔‘
تمنا بھاٹیا 2005 میں ہندی فلم چاند سا چہرہ کے بعد متعدد تیلگو، تامل اور ہندی فلموں میں اداکاری کے جوہر دکھائے، بالی ووڈ میں انہوں نے اجے دیوگن کے ساتھ فلم ’ہمت والا‘ میں بھی اداکاری کے جوہر دکھائے تے۔
اداکارہ نے حال ہی میں رجنی کانت کے ساتھ فلم ’جیلر‘ میں مرکزی کردار نبھایا تھا۔
