بیجنگ: چین نے بجادی بھارت کے لئے خطرے ک نئی گھنٹی، بنادیا دریائے برہما پترا پرڈیم، جس کے سبب بھارت اور بنگلہ دیش کے کئی علاقے زیرِآب آنے کا اندیشہ ہے۔
تفصیلات کے مطابق چین نے تبت میں سطحِ سمندر سے تین ہزار تین سو میٹر بلندی پر دریائے برہما پترا پر ایک بڑے ہائیڈرو الیکٹرک ڈیم کی تعمیر مکمل کرلی ہے جس کا نام ’یارلنگ زینگبو‘ہے۔
ذرائع کا کہنا ہے کہ ڈیم کی تعمیر سے بھارت اوربنگلہ دیش میں دریائے برہما پترا کے کنارے بسنے والے علاقں کے زیرِ آب آنے اور لینڈ سلائیڈنگ بڑھ جانے کا اندیشہ ہے۔
بھارت نے تبت میں ڈیم کی تعمیر پر اپنے خدشات کا اظہار کیا ہے جس کے جواب میں چین کا کہنا ہے کہ ڈیم بنانے کا مقصد پانی ذخیرہ کرنے سے زیادہ بجلی کا حصول ہے لہذا نشیبی علاقوں میں کوئی خاص خطرہ نہیں ہوگا۔
واضح رہے کہ بھارتی حکومت نے چین سے ڈیم بنانے پر اعتراض کیا ہے جبکہ یہی بھارتی حکومت جموں کشمیر میں کئی متنازع ڈٰم تعمیر کرچکی ہے اور انتہائی ہٹ دھرمی کے ساتھ بگلہار ڈیم جیسے بڑے ڈیم کی تعمیر کو بھی آخری مراحل میں لا چکی ہے۔
