قومی ٹیم کے چیف سلیکٹر انضمام الحق نے عہدے سے استعفیٰ دے دیا۔
اے آر وائی نیوز کے مطابق قومی ٹیم کے چیف سلیکٹر انضمام الحق چیئرمین پی سی بی ذکا اشرف سے ملاقات کے لیے آئے تھے لیکن ان کی ملاقات نہ ہوسکی۔
ذرائع کا کہنا ہے کہ انضمام الحق نے دلبرداشتہ ہوکر اپنا استعفیٰ ذکا اشرف کو بھجوا دیا ہے۔
انضمام الحق نے کہا کہ مجھ پر سوال اٹھے گا تو بہتر ہے ایک طرف ہوجاؤں، پی سی بی انکوائری کرنا چاہتا ہے تو میں دستیاب ہوں۔
انہوں نے کہا کہ لوگ بغیر انکوائری کے باتیں کررہے ہوتے ہیں، پی سی بی سے بھی کہا ہے کہ انکوائری کریں۔
انضمام الحق کا کہنا تھاکہ میرا پلیئرز ایجنٹ کمپنی سے کسی قسم کا تعلق نہیں، اس طرح کے الزمات سے دکھ ہوتا ہے۔
انہوں نے کہا کہ مجھے کال آئی اور کہا گیا کہ پانچ لوگوں کی کمیٹی بنارہے ہیں، موجودہ حالات میں بہتر سمجھا کہ استعفیٰ دوں۔
Inzamam-ul-Haq has resigned as the chairman of the national men's selection committee and junior selection committee. He was appointed as the chairman of the national men's committee on 7 August 2023 and was also appointed chairman of the junior men's selection committee earlier…
— PCB Media (@TheRealPCBMedia) October 30, 2023
واضح رہے کہ انضمام الحق نے ایسے وقت میں استعفیٰ دیا ہے جب قومی ٹیم ورلڈ کپ کھیلنے کے لیے بھارت میں موجود ہے اور مسلسل 4 شکستوں کی وجہ سے قومی ٹیم کو سابق کرکٹرز کی جانب سے تنقید کا نشانہ بنایا جارہا ہے۔
یاد رہے کہ 7 اگست 2023 کو سابق کپتان انضمام الحق کو قومی ٹیم کا چیف سلیکٹر مقرر کیا گیا تھا۔
