کراچی : عالمی منڈی میں سونے کی قیمت میں اضافے کے بعد پاکستان میں بھی سونے کی قیمتوں میں اضافہ ہورہا ہے۔
تفصیلات کے مطابق مشرق وسطیٰ میں کشیدگی کے سبب بین الاقوامی مارکیٹ میں سونے کی قیمتوں میں اضافے کا سلسلہ جاری ہے۔
اس سلسلے میں ملک بھر میں سونے کی قیمت میں کاروباری ہفتے کے دوسرے روز ایک ہزار روپے فی تولہ کا اضافہ سامنے آیا ہے۔
- Advertisement -
آل پاکستان جیمز اینڈ جیولرز ایسوسی ایشن کے مطابق قیمت میں ہزار روپے اضافے کے بعد اب ملک بھر میں سونے کی فی تولہ قیمت 2لاکھ 12 ہزار 800 ہوگئی ہے۔
اس کے علاوہ 10 گرام سونے کا بھاؤ 858 روپے اضافے سے ایک لاکھ 82 ہزار 442 روپے کا ہوگیا۔ دوسری جانب عالمی مارکیٹ میں سونے کی قیمت میں 5 ڈالر کے اضافے کے بعد فی اونس سونے کا بھاؤ 1965 ڈالر کا ہوگیا۔
