کراچی : پاکستان اسٹاک مارکیٹ نے تاریخ میں پہلی بار 58 ہزار کی بلند ترین سطح عبور کرلی ،100 انڈیکس 800 پوائنٹس سے زائد کا اضافہ ہوا۔
تفصیلات کے مطابق پاکستان اسٹاک مارکیٹ میں زبردست تیزی کی لہر جاری ہے، آج ٹریڈنگ کے دوران اسٹاک ایکسچینج نے ایک اور سنگ میل عبور کرلیا۔
کاروباری ہفتے کے تیسرے روز بھی اسٹاک مارکیٹ میں مثبت رحجان برقرار رہا اور 100انڈیکس میں 873 پوائنٹس اضافے کے ساتھ ملکی تاریخ کی نئی بلند ترین سطح 58 ہزار کی سطح پر پہنچ گیا۔
- Advertisement -
ہنڈریڈ انڈیکس 58208 پوائنٹس پر ٹریڈ کر رہا ہے، ماہرین کا کہنا ہے انویسٹرز کا اسٹاک مارکیٹ میں اعتماد جاری ہے۔، گزشتہ مالی سال کے چارماہ کے دوران کرنٹ اکاونٹ خسارے میں کمی جبکہ غیرملکی سرمایہ کاری میں اضافہ ریکارڈ کیا گیا ہے۔
ماہرین نے مزید کہا ہے کہ تمام معاشی اعشاریے ملکی معیشت میں بہتری کی اشارے دے رہے ہیں۔
