قومی ٹیم کے سابق کپتان شعیب ملک کا کہنا ہے کہ ٹی 20 ورلڈ کپ کے بارے میں نہیں سوچ رہے تاہم اگر موقع تو ورلڈ کپ ضرور کھیلنا چاہیں گے۔
اے آر وائی نیوز سے خصوصی گفتگو کرتے ہوئے آل راؤنڈر شعیب ملک نے کہا کہ اس وقت میری تمام تر توجہ قومی ٹی ٹوئنٹی کپ کرکٹ ٹورنامنٹ پر ہیں جس کے بعد بی پی ایل اور پی ایس ایل میں کارکردگی دکھانے کی کوشش کروں گا۔
انہوں نے کہا کہ عالمی ٹی ٹونٹی کپ کے انعقاد میں ابھی وقت ہے چنانچہ اس بارے میں بعد میں سوچوں گا۔
انہوں نے کہا کہ بطور پروفیشنل کھلاڑی میں خود کو مکمل طور پر فٹ رکھنے اور بہتر سے بہتر سے بہتر کارکردگی دکھانے کا خواہ ہوں۔
T20 World Cup 2024 ka Baray ma kuch nahe soch raha… Fitness meray control ma hai.. Shoaib Malik#Pakistan #ShoaibMalik pic.twitter.com/oV5l2bT5t4
— Ali Hasan (@AaliHasan10) November 22, 2023
شعیب ملک نے کہا کہ نیشنل ٹی ٹوئنٹی کپ کرکٹ ٹورنامنٹ ابھرتے ہوئے کھلاڑیوں کے لیے بہترین موقع ہوگا وہ اپنی صلاحیتوں کے اظہار کے لیے ملنے والے مواقعوں سے فائدہ اٹھا سکتے ہیں جس سے بین الاقوامی سطح پر ان کو اپنی اہلیت ظاہر کرنے کے بھی مواقع میسر آسکتے ہیں۔
گزشتہ دنوں شعیب ملک کا کہنا تھا کہ بالکل! مجھ سے بات کی جائے تو میں کھیلنے کے لیے تیار ہوں۔
ان کا کہنا تھا کہ میں ابھی بھی اسی طرح جسمانی طور پر فٹ ہوں جیسے اپنی جوانی کی کرکٹ میں تھا، مجھ سے رابطہ کیا گیا تو میں ضرور اس پر غور کروں گا۔
