انٹرنیشنل ٹی 20 لیگ سیزن ٹو میں قومی ٹیم کے فاسٹ بولر شاہین شاہ آفریدی کی شرکت مشکوک ہو گئی ہے۔
تفصیلات کے مطابق ذرائع نے کہا ہے کہ پاکستان کرکٹ بورڈ کی جانب سے شاہین آفریدی کو آئی ایل ٹی ٹوئنٹی لیگ نہ کھیلنے کی درخواست کی جا رہی ہے۔
ذرائع کے مطابق ورلڈ کپ سے قبل پاکستان ٹیم کے کھلاڑیوں کو انٹرنیشنل لیگ ٹی 20 کھیلنے سے روکا جائے گا، اور کھلاڑی صرف پاکستان سپر لیگ تک محدود رہیں گے۔
- Advertisement -
فاسٹ بولر کاشف علی نے بابر اور رضوان کو پریشان کردیا
شیڈول کے مطابق دورہ آسٹریلیا کے بعد شاہین آفریدی نے ڈیزرٹ وائپرز کو جوائن کرنا ہے، ان کا ڈیزرٹ وائپرز سے تین سالہ معاہدہ ہوا ہے، اور تین سیزنوں تک شاہین شاہ آفریدی کنٹریکٹ سائن کر چکے ہیں۔
واضح رہے کہ آئی ایل ٹی 20 لیگ کا دوسرا ایڈیشن آئندہ سال 19 جنوری سے یو اے ای میں ہوگا۔
