جمعہ, مئی 10, 2024
اشتہار

توہین الیکشن کمیشن کیس : چیئرمین پی ٹی آئی پر آج فرد جرم عائد کی جائے گی

اشتہار

حیرت انگیز

اسلام آباد : توہین الیکشن کمیشن اور توہین چیف الیکشن کمشنر کیس میں سربراہ پی ٹی آئی پر آج فرد جرم عائد کی جائے گی۔

تفصیلات کے مطابق چیئرمین پی ٹی آئی کے خلاف توہین الیکشن کمیشن اورتوہین چیف الیکشن کمشنر کیسز کی سماعت آج ہوگی ، ممبرسندھ نثاردرانی کی سربراہی میں 4 رکنی بنچ کیس کی سماعت کرے گا۔

سربراہ تحریک انصاف پر توہین الیکشن کمیشن کیس میں فرد جرم عائد کی جائے گی۔

- Advertisement -

اسدعمر اور فواد چوہدری کے خلاف بھی توہین الیکشن کمیشن کیس کی سماعت آج ہوگی، اسد عمر اور فواد چوہدری کو ذاتی حیثیت میں طلب کیا گیا ہے۔

خیال رہے چیئرمین پی ٹی آئی کو گزشتہ سماعت پربھی پیش نہیں گیا تھا، سیکورٹی خدشات کے باعث اڈیالہ جیل سے الیکشن کمیشن نہیں لایا گیا تھا۔

فواد چوہدری بھی گرفتاری کے باعث گذشتہ سماعت پرپیش نہیں ہوئے، اسد عمر بھی گزشتہ سماعت پر پیش نہ ہوئے تھے۔

یاد رہے گزشتہ سال اگست میں الیکشن کمیشن نے چیئرمین پی ٹی آئی اور ان کی پارٹی کے دیگر رہنماؤں کو کمیشن اور اس کے ارکان کے خلاف نامناسب ریمارکس دینے اور الزامات لگانے کے لیے نوٹس جاری کیے تھے۔

نوٹس میں کہا گیا تھا کہ چیئرمین پی ٹی آئی نے چیف الیکشن کمشنر سکندر سلطان راجہ کے خلاف 12، 18، 21، 27، 4 اور 8 اگست کو اپنی ریلیوں میں “توہین آمیز اور ناشائستہ زبان” استعمال کی۔

کمیشن نے مزید کہا تھا کہ ان رہنماؤں نے جان بوجھ کر اور جان بوجھ کر سی ای سی کی “تضحیک، تضحیک اور سالمیت کو بدنام کیا” جس سے سکندر سلطان راجہ کی ساکھ کو نقصان پہنچا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں