کرکٹ آسٹریلیا نے پاکستان کے خلاف پہلے ٹیسٹ میچ کے لیے ٹیم کا اعالن کر دیا ہے فاسٹ بولر مچل اسٹارک ان فٹ ہیں اور ان کی ٹیم میں شرکت مشکوک ہے۔
اے آر وائی نیوز کے مطابق پاکستان اور آسٹریلیا کے خلاف تین ٹیسٹ میچوں پر مشتمل سیریز کا آغاز 14 دسمبر کو پرتھ میں پہلے ٹیسٹ سے ہوگا جس کو ویسٹ ٹیسٹ کا نام دیا گیا ہے۔
پہلے ٹیسٹ کے لیے آسٹریلیا کی ٹیم کا اعلان کر دیا گیا ہے۔ قیادت پیٹ کمنز کریں گے جب کہ دیگر کھلاڑیوں میں مچل اسٹارک، ڈیوڈ وارنر، عثمان خواجہ، اسٹیو اسمتھ، لبوشین، ہیڈ، مچل مارش، ایلیکس گیری، لانس مورس، جوش ہیزل ووڈ، بولینڈ، گرین، لائن اور مورس شامل ہٰں۔
اعلان کردہ اسکواڈ میں فاسٹ بولر مچل اسٹارک ان فٹ ہیں اور ان کی پہلے ٹیسٹ میچ میں شرکت مشکوک ہے۔ تاہم ٹیم میں شامل نئے فاسٹ بولر لانس مورس تیز رفتار گیند کرانے کیلیے مشہور ہیں۔
واضح رہے کہ پاکستان ٹیم تین ٹیسٹ میچوں پر مشتمل سیریز کے لیے آسٹریلیا پہنچ چکی ہے۔ سیریز کو بینو قادر ٹرافی کے نام سے منسوب کیا گیا ہے اور یہ سیریز تیسری ورلڈ ٹیسٹ چیمپئن شپ کا حصہ ہوگی۔
شیڈول کے مطابق پہلا ٹیسٹ 14 سے 18 دسمبر تک پرتھ میں کھیلا جائے گا۔ دوسرا ٹیسٹ 26 اکتوبر کو ملیبرن میں ہوگا جب کہ تیسرا اور آخری میچ 3 جنوری کو سڈنی میں کھیلا جائے گا۔
