پشاور : چیئرمین پی پی بلاول بھٹو شادی سے متعلق سوال پر غصے میں آگئے اور صحافی کو جواب دیتے ہوئے کہا شادی میں نےکرنی ہے یاآپ نے،آپ کوکیا پریشانی ہے۔
تفصیلات کے مطابق چیئرمین پی پی بلاول بھٹو نے سینئرصحافیوں سے غیر رسمی گفتگو کی ، گفتگو کے دوران صحافی نے سوال کیا شادی کب کر رہے ہیں؟ جس پر بلاول بھٹو نے جواب دیا شادی میں نےکرنی ہے یاآپ نے،آپ کوکیا پریشانی ہے، آپ کی نظر میں کوئی لڑکی ہے جو آپ شادی کا پوچھ رہے ہیں۔
چیئرمین پی پی کا کہنا تھا کہ چیف جسٹس قاضی فائزعیسیٰ نے فیصلے میں لکھا کہ الیکشن کی تاریخ پتھرپرلکیر ہے، ہمیں چیف جسٹس فائز عیسی کی بات پر مکمل اعتماد ہے۔
انھوں نے کہا کہ پنجاب میں 20 حلقوں کے انتخابات کو نہیں سنبھالا جاسکا تو ملک میں کیسےدھاندلی کومینج کیا جائے گا، خیبرپختونخوا میں پیپلز پارٹی اپنی جگہ واپس چھینے گی۔
بلاول بھٹو کاکہنا تھا کہ پیپلزپارٹی واحد جماعت ہے جسے وفاق میں حکومت ملی توسب کوساتھ لےکرچل سکتی ہے، تمام سیاسی جماعتوں کو مل کر ملک کو مشکل سے نکالنا ہوگا، کمزورحکومت ہوئی تو وہ ملک کو درپیش مسائل سےنہیں نکال سکے گی۔
