بھارت کے مقبول ڈرامے ’سی آئی ڈی‘ کی اداکارہ ویشنوی دھنراج نے گھر والوں پر تشدد کا الزام عائد کرتے ہوئے والدہ کے خلاف مقدمہ درج کروادیا۔
بھارتی میڈیا رپورٹس کے مطابق اداکارہ ویشنوی دھنراج نے سوشل میڈیا پر ویڈیو شیئر کی جس میں وہ اپنے اوپر ہونے والے تشدد کے بارے میں بتارہی ہیں۔
ویشنوی نے ویڈیو میں کہا کہ وہ اس وقت تھانے میں موجود ہیں، میری فیملی نے مجھ پر بدترین تشدد کیا، میرا چہرہ اور ہاتھ زخمی ہیں۔
اداکارہ کا کہنا تھا کہ مجھے آپ لوگوں کی ضرورت ہے، میری مدد کریں۔
Dear @MumbaiPolice I urgently need your help. One of my actresses friends is in serious trouble, and was held hostage by her family. #Sos #pleasehelp
— K Himaanshu Shuklaa (@khimaanshu) December 15, 2023
رپورٹ کے مطابق پولیس حکام کا کہنا ہے کہ ویشنوی کی درخواست پر ان کی والدہ اور بھائی کیخلاف نان کاگنیسیبل کیس درج کرلیا گیا ہے۔
واضح رہے کہ نان کاگنیسیبل کیس میں پولیس عدالتی حکم کے بغیر نہ تفتیش کر سکتی ہے اور نہ ہی کوئی گرفتاری عمل میں لائی جا سکتی ہے۔
دوسری جانب بھارتی میڈیا رپورٹس کے مطابق ویشنوی دھنراج کے اہلخانہ نے اُنہیں گھر میں یرغمال بناکر رکھا ہوا تھا، ان کی والدہ اور بھائی نے اُن کا موبائل فون بھی اپنے قبضے میں لے لیا تھا، اداکارہ کو گھر سے باہر جانے کی اجازت بھی نہیں تھی۔
