پالتو کتے کی گردن توڑ کر اسے کوڑے دان میں پھینکنے والے شخص کو سی سی ٹی وی کیمرے کی مدد سے گرفتار کرلیا گیا۔
فلوریڈا میں ایک سنگ دل شخص نے اپنے 16 سالہ پالتو کتے کو گلے میں پھندا ڈال کر مارنے کی کوشش کی۔ اس کے بعد اس نے کتے کو کالے تھیلے میں بھر کر کوڑے دان میں پھینک دیا۔
مذکورہ شخص کی یہ حرکت وہاں لگے سی سی ٹی وی کیمرے میں ریکارڈ ہوگئی جس کی مدد سے پولیس نے اسے گرفتار کرلیا۔
55 سالہ اینتھونی بالمین نے پالتو کتے کی گردن توڑنے کے بعد اسے کوڑے کے ڈرم میں مردہ سمجھ کر پھینک دیا۔
ساتھ ہی موجود فیملی ڈالر اسٹور کے ملازمین نے جب دیکھا کہ کوڑے دان میں موجود کالی تھیلی میں حرکت ہورہی ہے تو انھو نے مقامی اینیمل کریولیٹی ٹاسک فورس کو اس کی اطلاع دی۔
Florida man Anthony Bellman arrested after strangling his 16-year-old dog, putting her into a trash bag, and tossing her into a dumpster. pic.twitter.com/15EBs6R38R
— Mike Sington (@MikeSington) December 19, 2023
ٹاسک فورس کے افسران نے آکر جب تھیلا کھولا تو اس میں کتے کو موجود پایا، تفتیش کرنے کے بعد اور کیمرے کی مدد سے کتے کے مالک کو گرفتار کرلیا گیا۔
امریکی حکام کی جانب سے بالمین پر جانوروں سے بدسلوکی کی مختلف دفعات عائد کی گئیں ہیں۔ جانوروں کے اسپتال کا کہنا تھا کہ اگر کتے کو بازیاب نہ کروایا جاتا تو وہ جلد ہی مرجاتا۔
