ہفتہ, مئی 17, 2025
اشتہار

اسفندیار ولی خان کے قریبی ساتھی نے پیپلز پارٹی میں شمولیت کا اعلان کر دیا

اشتہار

حیرت انگیز

اسلام آباد: پاکستان پیپلز پارٹی نے پشاور سے عوامی نیشنل پارٹی کی اہم وکٹ اڑا دی، اسفندیار ولی خان کے قریبی ساتھی عابد اللہ یوسفزئی نے اپنی جماعت کو خیرباد کہہ کر پی پی میں شمولیت اختیار کر لی۔

ذرائع کے مطابق پیپلز پارٹی خیبر پختون خوا کے صدر محمد علی شاہ باچا نے وفد کے ہمراہ پشاور میں عوامی نیشنل پارٹی کے سینئر صوبائی رہنما اور باچا خان مرکز کے سابق سربراہ عابد اللہ یوسفزئی سے ملاقات کی۔

ملاقات کے دوران صوبے کی سیاسی صورت حال سمیت باہمی دل چسپی کے امور پر تبادلہ خیال کیا گیا، پیپلز پارٹی کے صوبائی صدر نے اے این پی رہنما کو پارٹی میں شمولیت کی دعوت دی جسے انھوں نے قبول کرتے ہوئے پی پی میں شمولیت کا اعلان کر دیا۔

ملاقات کے دوران عابد اللہ یوسفزئی نے آصف علی زرداری اور بلاول بھٹو کی قیادت پر مکمل اعتماد کا اظہار بھی کیا۔

واضح رہے کہ عابد اللہ یوسفزئی عوامی نیشنل پارٹی پشاور میٹروپولیٹن کے صدر اور باچا خان مرکز کے سابق انچارج تھے، عابد اللہ یوسفزئی کا شمار عوامی نیشنل پارٹی کے سنیئر رہنماؤں اور اسفند یار ولی خان کے قریبی ساتھیوں میں ہوتا تھا۔

اہم ترین

جہانگیر خان
جہانگیر خان
جہانگیر خان اے آر وائی نیوز اسلام آباد کے نمائندے ہیں۔ وہ پارلیمانی امور، صحت، کشمیر، جی بی اور پیپلز پارٹی سے متعلق خبریں رپورٹ کرتے ہیں۔

مزید خبریں