کراچی میں اغوا کاروں نے تاوان ادا نہ کرنے پر تاجر کا کان کاٹ دیا۔
اے آر وائی نیوز کے مطابق کراچی کے علاقے گڈاپ ٹاؤن تھانے کی حدود میں ملزمان نے پولٹری فارم مالک اور ڈرائیور کو 12 دسمبر کو اغوا کیا، ملزمان نے خود کو سی ٹی ڈی اہلکار ظاہر کرکے تاجر کو اغوا کیا۔
پولیس کا بتانا ہے کہ تاجر کے بھائی نے گڈاپ تھانے میں اغوا کا مقدمہ درج کروایا تھا۔
پولیس حکام کا کہنا ہے کہ ملزمان نے تاجر کے اہلخانہ سے ایک کروڑ تاوان مانگا، تاوان ادا نہ کرنے پر ملزمان نے تاجر کا کان کاٹ کر ویڈیو اہلخانہ کو بھیجی۔
تفتیشی حکام کے مطابق تاوان ادا کرنے پر ملزمان تاجر کو حیدرآباد کے قریب چھوڑ کر فرار ہوگئے۔
پولیس کا بتانا ہے کہ ملزمان تاجر کو شہر میں لے کر گھومتے رہے، اغوا کاروں کی نشاندہی ہوچکی ہے جلد گرفتار کرلیں گے۔
