دبئی میں سال نو کے حوالے سے منعقدہ تقریبات کے لئے تیاریوں کو مکمل کرلیا گیا ہے، سال 2024 کے لیے ہونے والی تقریبات کے لیے مختلف سرکاری اداروں کی جانب سے مشترکہ کمیٹی بھی فعال کردی گئی ہے۔
غیر ملکی ذرائع ابلاغ کے مطابق دبئی گورنریٹ کی جانب سے نئے سال کے جشن کی نگرانی اور تیاری کے حوالے سے مخصوص کمیٹی تشکیل دی گئی تھی۔
نئے سال کے جشن کے لیے کمیٹی نے مختلف مقامات کو مخصوص کیا ہے جہاں آتش بازی اور دیگر تفریحی پروگرام کا انعقاد کیا جائے گا۔
جشن کی نگران کمیٹی کے ذمہ دار نے اس حوالے سے بتایا کہ آتش بازی کے لئے 32 مقامات کو مخصوص کیا گیا ہے، برج خلیفہ میں سب سے بڑا شو منعقد ہوگاجبکہ جی بی آر، جزیرہ النخلہ، کایت بیچ پر بھی آتشبازی کے شاندار شو کیے جائیں گے۔
کمیٹی کا جشن کے انتظامات کے حوالے سے کہنا تھا کہ 11 ہزار 972 افراد پر مشتمل ٹیمیں تشکیل دی گئی ہیں جن میں 5 ہزار 574 پولیس اہلکاروں کے لیے شہری دفاع اور کسی بھی ہنگامی صورتحال سے نمٹنے کیلیے ایمبولینس اور امدادی یونٹس کو بھی تعینات کردیا گیا ہے۔
دبئی پولیس کے آپریشنل ڈائریکٹر کرنل عبداللہ علی الغیثی نے پریس کانفرنس سے خطاب کرتے ہوئے کہا کہ امن عامہ کے حوالے سے مختلف سرکاری اداروں کے اہلکاروں پرمشتمل ٹیمیں تشکیل دی گئی ہیں جو نئے سال کے جشن کے موقع پر مختلف مقامات پرذمہ داریاں انجام دیں گے۔
جشن میں آنے والوں کی رہنمائی کے لیے گائیڈز بھی موجود ہوں گے، جبکہ ٹریفک کی روانی کو برقرار رکھنے کیلیے ٹریفک پولیس کے خصوصی دستے بھی موجود ہیں۔
کویت کے شہریوں کو خوشخبری سنادی گئی
کرنل الغیثی نے مزید کہا کہ کسی بھی ہنگامی امداد حاصل کرنے کیلیے ٹول فری نمبر 901 اور 999 پر رابطہ کیا جاسکتا ہے۔ انتظامی کمیٹی کی جانب سے گمشدہ بچوں اور سامان کیلیے سینٹرز قائم کیے گئے ہیں۔
