کراچی: مالی سال 24-2023 کی پہلی ششماہی میں ریلوے کو تاریخ ساز آمدن ہوئی ہے، ریلوے نے 6 ماہ میں 41 ارب روپے کما لیے۔
تفصیلات کے مطابق پاکستان ریلوے کی آمدنی میں ریکارڈ اضافہ دیکھا گیا، مالی سال 24-2023 کی پہلی ششماہی میں ریلوے نے 41 ارب روپے کما لیے، جو پچھلے برس 28 ارب روپے تھی۔
سی ای او ریلوے عامر بلوچ نے کہا کہ دستیاب وسائل کے مؤثر استعمال سے ریکارڈ آمدن کا حصول ممکن ہوا ہے، ہم ریلوے ملازمین کی محنت اور لگن سے پورے سال کا ٹارگٹ 11 ماہ میں ہی حاصل کر لیں گے۔
- Advertisement -
انھوں نے کہا کہ ایم ایل ون کے آغاز سے معاملات مزید بہتر ہو جائیں گے، تنخواہوں میں تاخیر میں بھی کمی ہوئی ہے، ادائیگی کو اپنے وقت پر لے آئیں گے۔ عامر بلوچ نے عزم ظاہر کیا کہ اس سال سروسز میں مزید بہتری لائیں گے اور سفری سہولیات میں بھی اضافہ کریں گے۔