کراچی: چیئرمین جوائنٹ چیفس آف اسٹاف کمیٹی کاکہناہے کہ آئیڈیازدوہزار چودہ نےسیکیورٹی چیلنجز کے باوجود پاکستان کی دفاعی صنعت کی کامیابیوں کو اجاگر کیا اور پاکستان کے مثبت تاثرکوفروغ دیا۔
کراچی میں ڈیفنس ایکسپورٹ پروموشن آرگنائزیشن کے زیر اہتمام آئیڈیاز 2014کے سیمینار سے خطاب میں چیئرمین جوائنٹ چیفس آف اسٹاف کمیٹی جنرل راشد محمود کاکہناتھا کہ دفاع اور سیکیورٹی کے آپریشن ایک حد تک محدود نہیں رہے۔
آئیڈیاز دوہزار چودہ نے پاکستان کے مثبت تاثر کواجاگرکیا۔ دنیا کے موجودہ ماحول میں ریاست کے سیکورٹی اداروں کی بنیادی ذمہ داری ملک میں امن کا قیام، ہم آہنگی کو برقرار رکھنا اور اندرونی اور بیرونی چیلنجوں کے خلاف ملک کے دفاع کو یقینی بنانا ہے۔
پاکستان میں سیکورٹی چیلنجز کی موجودہ صورت حال خطے میں اسٹرٹجیک استحکام اور توازن برقرار رکھنا قومی سیکورٹی کاحصہ ہے۔
