بالی ووڈ کے اداکار شاہد کپور اور اداکارہ کریتی سینن کی ناممکن محبت کی کہانی پر مبنی رومانوی فلم کا نام اور تمام تر تفصیلات سامنے آگئی۔
بالی ووڈ اداکار شاہد کپور ایک بار پھر اپنے شائقین کو مسحور کرنے کے لیے تیار ہیں، شاہد ایک بار پھر رومانوی ہیرو کے طور پر انڈسٹری میں قدم رکھیں گے اس فلم میں اداکار کے ساتھ کریتی سینن کام کریں گے۔
بھارتی میڈیا رپورٹ کے مطابق شاہد اور کریتی کی نئی آنے والی فلم کا نام اور ریلیز کی تاریخ بھی سامنے آگئی ہے۔ فلم کا نام ’’تیری باتوں میں ایسا الجھا جیا ہے‘‘ جبکہ یہ فلم 09 فروری 2024 کو ریلیز کی جائے گی۔
مذکورہ فلم کا ٹائٹل گلوکار راگھو کے ایک پرانے گانے ’تیری باتوں‘ سے لیا گیا ہے جس کے حوالے سے یہ کہا جارہا ہے کہ فلم میں ممکنہ طور پر اس گانے کا ریمیک ورژن بھی شامل کیا جاسکتا ہے۔
View this post on Instagram
فلم میکرز نے فلم کا نیا پوسٹر بھی جاری کردیا، فلم کے پوسٹر میں خاص بات یہ ہے کہ ٹائٹل میں ’او‘ کی جگہ روبوٹ کا نشان دیکھا جاسکتا ہے، پوسٹر کے منظر عام پر آنے کے بعد مداحوں نے دلچسپی کا اظہار کیا ہے۔
ایک مداح نے لکھا کہ ’ شاہد اور کریتی کو ایک ساتھ فلم میں دیکھ کر خوش ہوں‘، ایک اور صارف نے کہا کہ ’ دونوں کی چھی کیمسٹری ہے‘۔
View this post on Instagram
واضح رہے کہ شاہ کپور اور کریتی سینن پہلی مرتبہ ایک ساتھ اسکرین شیئر کررہے ہیں جبکہ فلم میں دھرمیندر اور ڈمپل کپاڈیا بھی پر اہم کردار ادا کریں گے۔
یاد رہے کہ شاہد کپور آخری بار فلم بلڈی ڈیڈی میں نظر آئے تھے جبکہ اداکارہ کریتی سینن کا بڑا بجٹ ڈرامہ آدی پورش گزشتہ سال 16 جون کو ریلیز ہوا۔ فلم میں پربھاس اور سیف علی خان اہم کرداروں میں ہیں۔
