کراچی: شہر میں فائرنگ اور پرتشدد واقعات میں خاتون سمیت دو افراد جان بحق اور مبینہ مقابلوں میں آٹھ ملزمان مارے گئے پولیس کے مطابق قائد آباد میں ڈاکوؤں کی فائرنگ سے ایک شخص جاں بحق ہوگیا ۔
اسی دوران شہریوں کی فائرنگ سے دو ڈاکو مارے گئے، مومن آباد میں مسلح افراد نے رکشہ پر فائرنگ کردی جس سے خاتون جاں بحق اور تین زخمی ہوگئے۔
،دوسری جانب منگھوپیر نادرن بائی پاس کے قریب پولیس موبائل نے موٹر سائیکل سوار دو مشتبہ افراد کو روکنے کا عشارہ کیا جس پر ملزمان نے پولیس پرفائرنگ کردی ۔
پولیس کی جوابی فائرنگ کے نتیجے میں دنوں ملزمان ہلاک ہوگئے جن کی شناخت وسیم عرف بابر اور احسان عرف شاہ رخ کے نام سے ہوئی پولیس کے مطابق ملزمان اے این پی کے مقامی رہنما ڈاکٹرضیاء الدین کے قتل میں بھی ملوث تھے ۔
رات گئے گلزار ہجری روفی باڑہ مارکیٹ کے قریب مبینہ پولیس مقابلے میں چار ملزمان ہلاک ہوگئے۔ پولیس کے مطابق ہلاک ملزمان اسٹریٹ کرائم اور دیگر جرائم میں ملوث تھے۔
سینٹرل انویسٹی گیشن پولیس نے بھی تین ٹارگیٹ کلز کو گرفتار کرکے اسلحہ برامد کرلیا، پولیس کے مطابق گرفتار ملزمان پولیس پر حملوں پر بھی ملوث ہیں۔
