کراچی: بیلجیم کے سفیر پیٹر کلیئس نے کہا ہے کہ بیلجیم یورپی ممالک کا اہم تجارتی گیٹ وے ہے اور یورپ کی اہم کارگو ہینڈلنگ سمیت جرمنی فرانس ہالینڈ کی تجارتی راہ داری ہے۔
کراچی چیمبر آف کامرس میں بیلجیم کیٹلاگ نمائش کے موقع پر بیلجیم کے سفیر کا کہنا تھا کہ پاکستان کے ساتھ تجارتی روابطہ بڑھانا چاہتے ہیں اور پاکستان میں توانائی بحران کے خاتمے کے لئے سرمایہ کاری کرنا چاہتے ہیں 28یورپی ممالک میں بیلجیم 5واں بڑا پاکستانی تجارتی پارٹنر ہے۔
گذشتہ سال پاکستان نے بیلجیم کو 321.5ملین یورو کی برآمدات کی جبکہ بیلجیم نے پاکستان کو 357.7ملین یورو کی برآمدات کی،بیلجیم یورپ کا اہم کارگو ہینڈلنگ کا مرکز ہے اور ٹیلی کمیونکیشن،سافٹ ویئر،بائیو ٹیکنالوجی ،گرافکس ٹیکنالوجی،ملٹی میڈیا جیسے شعبوں میں اپنے تجربہ اور مہارت دنیا بھر میں فراہم کررہا ہے۔
