مودی سرکار نے فرانسیسی صحافی کو ملک بدر کرنے کی دھمکی دے دی، صحافی وینیسا ڈوگناک نے مودی سرکار کی پالیسیوں پر تنقید کی تھی۔
تفصیلات کے مطابق مودی سرکار کے آزادی صحافت پر تابڑ توڑ حملے جاری ہیں ، غیر ملکی صحافی بھی بھارت میں غیر محفوظ نہیں۔
مودی سرکار نے فرانسیسی صحافی کوملک بدر کرنے کی دھمکی دے دی ، وینیسا ڈوگناک پچھلے بائیس سال سے ہندوستان میں بطور صحافی کام کر رہی ہیں۔
صحافی وینیسا ڈوگناک کی جانب سے مودی سرکار کی پالیسیوں پر تنقید کی گئی تھی، جسے بھارتی حکومت نے اپنی سلامتی پر حملہ قرار دیا۔
بھارتی حکومت نے ڈیڑھ سال سے صحافی وینیسا ڈوگناک کا ورک پرمٹ منسوخ کر رکھا ہے ، اس سے قبل مودی سرکار پر تنقیدی کوریج کرنے والے صحافیوں کو مقدمات کے ساتھ ساتھ قید کا بھی سامنا کرنا پڑ رہا ہے جبکہ غیر ملکی صحافیوں کو ویزا جیسے مسائل کا سامنا ہے۔
فروری دوہزارتئیس میں بھی مودی مخالف ڈاکومنٹری نشر کرنے پر بی بی سی کے دفاتر پر چھاپے مارے گئے۔
گزشتہ سال ہی مودی پر تنقید کرنے پر کانگریس رہنما راہول گاندہی کی پارلیمنٹ کی رکنیت بھی معطل کر دی گئی تھی جبکہ دوہزاربیس میں ایمنسٹی انٹرنیشنل نے حکومتی جابرانہ ہتھکنڈوں سے تنگ آکر بھارت میں اپنا دفتر بند کر دیا تھا ۔
مودی سرکا رحکومت میں آنےکے بعد منظم طریقے سے آزادی اظہار کو نشانہ بنا رہی ہے، جس پر سوال اٹھتا ہے کیا مودی سرکار عالمی میڈیا میں ہندوانتہا پسندی کےخلاف بڑھتی آوازوں پربوکھلاہٹ کا شکار ہے؟ کیا مودی سرکار ہندوستانی جمہوریت کا گلا گھونٹ کر آمریت قائم کرنا چاہتی ہے؟
