پاکستانی ڈراما انڈسٹری کی ابھرتی ہوئی اداکارہ ماہ نور حیدر کو بالی وڈ کی مشہور اداکارہ کی ہمشکل قرار دی جانے لگیں۔
فوٹو اینڈ شیرنگ ایپ انسٹاگرام پر اداکارہ ماہ نور حیدر نے ایک تصویر شیئر کی تاہم مداح بالی ووڈ اداکارہ ماہیما چوہدری سے مماثلت دیکھ کر حیران رہ گئے، وہ کافی حد تک ماہیما چوہدری جیسی دکھائی دے رہی تھیں۔
View this post on Instagram
ماہیما چوہدری کی اس قدر مشابہت کی مداحوں نے ان کی نہ صرف ڈھیروں تعریفیں کیں بلکہ انہیں ’پاکستانی ماہیما چوہدری‘ بھی قرار دے دیا۔
ماہ نور حیدر نے اپنے کیریئر کا آغاز 2020 میں اے آر وائی ڈیجیٹل کے ڈرامہ سیریل ‘اولاد’ سے کیا۔ اس کے بعد وہ ڈرامہ سیریل ‘بیٹیاں’ میں بھی نظر آئیں۔
دوسری جانب بالی وڈ کی مشہور اداکارہ ماہیما چوہدری نے اپنی فلم ’پردیس‘ سے بے پناہ مقبولیت حاصل کی۔ اس کے بعد فلم ’دل کیا کرے‘، ’دیوانے‘، ’دھڑکن‘ اور ’دل ہے تمہارا‘ میں ان کی اداکاری کے انداز کو مداحوں کی جانب سے بے حد پسند کیا گیا۔
