غیر قانونی افغان باشندوں کی وطن واپسی کا سلسلہ جاری ہے، پاکستان چھوڑنے والے غیر قانونی افغان باشندوں کی کل تعداد 4 لاکھ 81 ہزار 256 تک پہنچ گئی۔
تفصیلات کے مطابق غیر قانونی افغان باشندے جوق در جوق وطن واپس جا رہے ہیں، 2 فروری تک پاکستان چھوڑنے والے غیر قانونی افغان باشندوں کی کل تعداد 4 لاکھ 81 ہزار 256 تک پہنچ چکی ہے۔
30 جنوری سے 02 فروری تک چار روز کے دوران 2956 افغان شہریوں کی واپسی ہوئی، جن میں 865 مرد، 793 خواتین اور 1298 بچے شامل ہیں۔
افغانستان روانگی کے لیے 121 گاڑیوں میں 148 خاندانوں کی اپنے وطن واپسی عمل میں لائی گئی۔
