کراچی میں ہونے والی موسلادھار بارش کی وجہ سے پاکستانی شوبز انڈسٹری کی اداکارہ عریشہ رضی کی مایوں کی تقریب بارش کی نذد ہوگئی۔
عریشہ رضی کی مایوں کی تقریب جاری تھی کہ اچانک موسلادھار بارش شروع ہوگئی جس سے دلہن اور مہمان پریشان ہوگئے۔
سوشل میڈیا پر وائرل ویڈیو میں اداکارہ بارش کی وجہ سے کمرے میں دیگر مہمانوں کے ساتھ افسردہ بیٹھی نظر آئیں۔ انہوں نے کافی دیر تک بارش رکنے کا انتظار کیا لیکن آخرکار گھر میں ہی رسم کرنا پڑی۔
اداکارہ نے مایوں کیلیے گولڈن اور نارنجی رنگ کا انتخاب کیا جبکہ دولہے میاں بھی اسی رنگ کے خوبصورت لباس میں نظر آئے۔
View this post on Instagram
عریشہ رضی نے چائلڈ آرٹسٹ کے طور پر کیریئر کا آغاز کیا اور شروع میں ہی کچھ مشکل ڈرامے کیے تھے۔ اب وہ بڑے ڈراموں میں معاون کردار کے ساتھ ساتھ مرکزی کردار بھی ادا کر رہی ہیں۔
