اسلام آباد: اقتصادی رابطہ کمیٹی کے اجلاس میں گیس کی قیمتوں میں مزید اضافے کی منظوری کا امکان ہے۔
ذرائع کے مطابق اقتصادی رابطہ کمیٹی کا اجلاس آج ہوگا، جس میں امکان ہے کہ گیس کی قیمتوں میں مزید اضافے کی منظوری دی جائے گی۔
ذرائع کا کہنا ہے کہ اجلاس میں گندم کی ایکسپورٹ سے متعلق امور کا جائزہ لیا جائے گا، فوجی بن قاسم کھاد کارخانے کو گیس دینے کی سمری پر بھی غور ہوگا، اور ملک میں مہنگائی کی صورت حال پر بریفنگ دی جائے گی۔
- Advertisement -
ذرائع کے مطابق 1263 میگا واٹ کے تھرمل پلانٹ کی کمیشننگ کا معاملہ بھی اجلاس میں زیر غور آئے گا، اور درآمدی یوریا کھاد کی سبسڈی پر بھی بات چیت ہوگی، نیز سبسڈی کے لیے وفاق اور صوبوں میں 50،50 فی صد شیئرنگ پر غور ہوگا۔
