بنگلہ دیش کرکٹ بورڈ نے نوجوان بیٹر نجم الحسین شانٹو کو بڑی ذمہ داری سونپتے ہوئے تینوں فارمیٹ کا کپتان نامزد کردیا۔
نجم الحسین شانٹو اس سے قبل عبوری طور پر تینوں فارمیٹس میں بنگلہ دیش کی کپتانی کے فرائض انجام دینے کا تجربہ رکھتے ہیں۔ اب باصلاحیت نوجوان بلے باز کو تینوں فارمیٹس میں بنگال ٹائیگرز کا کُل وقتی کپتان بنانے کا اعلان کیا گیا ہے۔
بنگلہ دیش کرکٹ بورڈ 12 فروری کو ڈھاکہ کے شیر بنگلہ نیشنل کرکٹ اسٹیڈیم میں بی سی بی ہیڈ کوارٹر میں منعقدہ بورڈ میٹنگ کے دوران اس بات کا فیصلہ کیا۔
وزیر کھیل اور بی سی بی کے صدر نجم الحسن پاپون نے کا کہنا تھا کہ ہم نے کپتانی کے حوالے سے طویل بات چیت کی ہے۔ بورڈ نے اس سال کے لیے تینوں فارمیٹس میں نجم الحسن شانٹو کو کپتان مقرر کرنے کا فیصلہ کیا ہے۔
25 سالہ شانٹو نے شکیب الحسن کی غیرموجودگی میں ہوم سیریز کے ساتھ ساتھ گزشتہ سال نیوزی لینڈ کے خلاف اوے سیریز کے دوران بھی بنگلہ دیش کی قیادت کی تھی۔
ان کی قیادت میں، بنگلہ دیش نے دسمبر 2023 میں پہلی بار نیوزی لینڈ کی سرزمین پر ایک ٹی ٹوئنٹی اور ون ڈے انٹرنیشنل جیتا تھا۔
بطور کپتان ان کا پہلا چیلنج اگلے ماہ شروع ہونے والی سری لنکا کے خلاف ہوم سیریز ہوگی جس میں تینوں فارمیٹ کے میچز شامل ہونگے۔
اس کے علاوہ بنگلہ دیش کے پہلے کپتان غازی اشرف حسین لیپو کو بی سی بی نے چیف سلیکٹر مقرر کر دیا ہے۔ وہ منہاج العابدین ننو کی جگہ لیں گے۔
