ادویات کی قیمتیں بے لگام کرنے کا باضابطہ نوٹفکیشن جاری کر دیا گیا۔
ذرائع کے مطابق وزارت صحت سے ادویات کی قیمتیں ڈی ریگولیٹ کرنے کا حکم نامہ جاری کیا گیا ہے جس سے فارما کمپنیز کو نان اسینشل ادویات کی قیمتوں کے تعین کا اختیار مل گیا۔
فارما کمپنیز، امپورٹرز نان اسینشل ادویات کی قیمتیں مقرر کر سکیں گی جب کہ فارما کمپنیز این ای ایم ایل ادویات کی قیمتوں کا تعین نہیں کر سکیں گی۔
- Advertisement -
ذرائع وزارت صحت کا کہنا ہے کہ جان بچانے والی ادویات کی قیمتیں ڈریپ مقرر کرے گی۔
میڈیسن پرائسز ڈی ریگولیٹ کرنے کی سفارش وزارت صحت نے کی تھی۔ کابینہ نے 8 فروری کو میڈیسن پرائسز ڈی ریگولیٹ کرنے کی منظوری دی تھی۔
