مقبوضہ کشمیر: بھارتی وزیرِاعظم نریندر مودی کے دورۂ مقبوضہ کشمیر کے خلاف مکمل ہڑتال کی جارہی ہے، ہڑتال کی کال حریت کانفرنس اوردیگرجماعتوں نے دی ہے۔
غیرملکی خبرایجنسی کے مطابق نریندر مودی اپنی جماعت بھارتیہ جنتا پارٹی کی انتخابی مہم کے سلسلے میں مقبوضہ کشمیر میں انتخابی جلسے سے خطاب کریں گے، اس موقع پرسیکورٹٰی کے سخت انتظامات کئے گئے ہیں۔
مقبوضہ وادی میں تمام کاروباری مراکز اور تعلیمی ادارے بند ہیں اور ٹریفک معطل ہے، انتظامیہ نے کشمیری رہنماؤں کو گھروں میں نظر بند کردیا ہے۔ حریت رہنماؤں نے انتخابی ڈھونگ میں حصہ لینے والوں کوکشمیریوں کا دشمن قراردیا ہے۔
