اسپین کے شہر ویلینسیا میں 14 منزلہ عمارت میں خوفناک آتشزدگی کے باعث 4 افراد لقمہ اجل بن گئے جبکہ 14 زخمی ہوگئے، زخمیوں میں چھ فائر فائٹرز اور ایک بچہ بھی شامل ہے۔
غیر ملکی ذرائع ابلاغ کے مطابق اسپین کے دارالحکومت میڈرڈ سے ملنے والی اطلاعات کے مطابق ملک کے مشرقی علاقے کے بندرگاہی شہر ویلنسیا میں دو رہائشی عمارتوں میں اچانک خوگناک آگ بھڑک اُٹھی، جس کے باعث 4 افراد ہلاک ہوگئے۔
فائر فائٹرز نے اپارٹمنٹ کی بالکونیوں سے متاثرہ افراد کو ریسکیو کیا، متاثرہ عمارت میں موجود 19 افراد کا تاحال کچھ پتہ نہیں چل سکا ہے، جنہیں تلاش کیا جارہا ہے۔
دوسری جانب انڈونیشیا میں طاقتور بگولے راستے میں آنے والی ہر شے کو اپنے ساتھ اڑا کر لے گئے، جس میں 37 افراد زخمی ہوئے۔
تفصیلات کے مطابق انڈونیشیا میں طاقتور بگولے نے مغربی جاوا میں تباہی مچا دی، لوگ اللہُ اکبر کی صدائیں لگاتے رہے۔
محبت کی پیشکش ٹھکرانے پر طالبہ کا اپنے ٹیچر سے انوکھا انتقام
راستے میں آنے والی ہر شے کو بگولہ اپنے ساتھ اڑا لے گیا، چھتیں اڑگئیں، پول گر گئے جبکہ ایک سو سولہ گھروں کو نقصان پہنچا اور سینتیس افراد زخمی ہو گئے۔
