کراچی میں سی ویو دودریا کے قریب نامعلوم افراد کی شدید ہوائی فائرنگ سے علاقے میں خوف و ہراس پھیل گیا۔
ڈی آئی جی ساؤتھ سید اسد رضا نے فائرنگ کے واقعے کا نوٹس لیتے ہوئے ملوث افراد کے خلاف کارروائی کا حکم دے دیا۔
ڈی آئی جی کا کہنا ہے کہ فائرنگ کرنے والوں کی نشاندہی کر کےکچھ افراد کو حراست میں لے لیا گیا ہے شہر میں اسلحہ کی نمائش اور ہوائی فائرنگ کی سخت ممانعت ہے۔
- Advertisement -
انہوں نے بتایا کہ اسکول و کالجز کے طالبعلموں نے بیج بنک کا ایونٹ رکھا تھا جسے واٹس ایپ کے ذریعے آرگنائزر کیا گیا تھا اور اس موقع پر فائرنگ کی گئی جس کی ویڈیوز سوشل میڈیا پر وائرل ہوئیں۔
ان کا کہنا ہے کہ پولیس نے کالج انتظامیہ سے بھی رابطہ کیا ہے ایونٹ آرگنائزر کرنے والے طالبعلموں کیخلاف تادیبی کاروائی کی سفارش کی ہے، فائرنگ کرنے والوں کی گاڑیوں کی بھی نشاہدہی کرلی گئی ہے۔
