اسلام آباد: ایم کیو ایم پاکستان کے کنوینر خالد مقبول صدیقی کا کہنا ہے کہ عہدوں کی لالچ کیلئے نہیں آئے ہم نے اختیار مانگا ہے۔
متحدہ قومی موومنٹ پاکستان(ایم کیو ایم) کے کنوینر خالد مقبول صدیقی نے پارلیمنٹ ہاؤس میں میڈیا سے گفتگو کرتے ہوئے کہا کہ پاکستان میں ایک بار پھر عوام نے اپنے حصے کا کام کیا۔
خالد مقبول صدیقی نے کہا کہ ایم کیو ایم وزارتوں کے لئے ایوان میں نہیں آئی، ایک نسخہ کیمیا لائے ہیں اس پر 5 سال چلیں گے، ہمیں وزارتوں کا مسئلہ بعد کا ہے 10 سال پہلے اس سے زیادہ مینڈیٹ تھا۔
- Advertisement -
ایم کیو ایم کے کنوینر کا کہنا تھا کہ اپنے لئے نہیں آئے ملک کے عوام کی تقدیر بدلنے آئے ہیں، ہم نے عہدے نہیں اختیار مانگا ہے۔
انہوں نے کہا کہ الیکشن کمیشن عدالتوں کے پاس جائیں گے ایوان میں احتجاج کریں گے ملک میں ایسے انتخابات ہوئے ہیں جس پر سب کو اعتراضات ہیں۔
