بھو بنیسور: چیمپیئنز ٹرافی ہاکی میں پاکستان کو مسلسل تیسری شکست کا سامنا کرنا پڑا۔آسٹریلیا نے آخری گروپ میچ میں پاکستان کو تین صفر سے ہرایا۔
بھارتی ریاست اڑیسہ میں جاری چیمپئینز ٹرافی ہاکی میں پاکستان گروپ اے میں ایک بھی میچ جیتنے میں کامیاب نہ ہوسکی۔ پہلے کوارٹر میں دونوں ٹیموں نے گول کرنے کی کئی کوششیں کی لیکن کامیابی نہ مل سکی۔
دوسرے کوارٹر میں آسٹریلیا نے گول کرکے ایک صفر کی برتری حاصل کرلی۔ تیسرے کوارٹرمیں بھی قومی ٹیم گیند کو جال میں پہنچانے میں ناکام رہی۔
- Advertisement -
چوتھے اور آخری کوارٹر میں آسٹریلیا نے مزید دو گول داغ کر پاکستان کو تین صفر سے شکست دی۔ چیمپیئنز ٹرافی کے نئے قوانین کے مطابق تین میچز ہارنے کے بعد بھی گرین شرٹس ایونٹ کے کوارٹر فائنل میں پہنچ گئی ہے۔ناک آؤٹ مرحلے میں پاکستان کا مقابلہ نیدرلینڈز سے ہوگا۔
