شمالی وزیرستان میں قدرتی گیس کے بڑے ذخائر کی دریافت کے بعدعلاقے میں خوشحالی کا سفر شروع ہو گیا۔
تفصیلات کے مطابق پاک فوج کی کوششوں سے امن کی بحالی کے بعد شمالی وزیرستان ترقی کی راہ پر گامزن ہے، شیواہ میں ماڑی پیٹرولیم کمپنی لمیٹڈ کے منصوبے سے قدرتی گیس کے بڑے ذخائر کی دریافت کے بعدعلاقے میں خوشحالی کا سفر شروع ہو گیا۔
شیواہ منصوبہ 2016 میں شروع ہوا، 2021 میں ماڑی پیٹرولیم کمپنی نے شیواہ نمبر ون کی ڈرلنگ کا آغاز کیا، مئی 2022 میں اس کنویں میں قدرتی گیس کے بڑے ذخائر کی دریافت ہوئی۔
مارچ 2023 میں ارلی پروڈکشن فیسلٹی کے منصوبوں کا آغاز کیا گیا، جس کے تحت علاقے کے عوام کو گیس کی بلاتعطل فراہمی کےلئے پائپ لائن پر تیزی سے کام جاری ہے۔
850 ملین کی لاگت کے ان ترقیاتی منصوبوں میں سپن وام اور شیواہ کے رورل ہیلتھ سینٹر کو فعال کرنا، واٹر سکیمز، سولر پلانٹس، مساجد و مدراس کی مرمت اور فعال کرنا، سٹوڈنٹس سکالرشپ پروگرام، موبائل ہیلتھ یونٹس اور مفت راشن کی تقسیم شامل ہے۔
سال 2023 اور 2024 میں ایم پی سی ایل اور سی این جی پی ایل کی طرف سے تقریباً 600 ملین روپے کی مالیت کے پیکج کا پلان بھی کیا گیا ہے۔
ماڑی پٹرولیم کمپنی لمیٹڈ کے ورکرز کا کہنا ہے کہ 2022 میں یہاں پہلی بار گیس کی دریافت ہوئی اور جنوری 2024 میں دوسری گیس کی دریافت ہوئی، منصوبہ یومیہ 100 ملین کیوبک فیٹ گیس پیدا کرنے کی صلاحیت رکھتا ہے۔
