کراچی : نارتھ ناظم آبادبلاک ایچ سے لاپتہ ہونے والے بچوں کی والدہ نے ویڈیو بیان میں کہا کسی کو میرےبچوں سے متعلق علم ہو تو براہ مہربانی اطلاع دیں۔
تفصیلات کے مطابق کراچی کے علاقے نارتھ ناظم آبادبلاک ایچ سے لاپتہ ہونے والے بچوں کی والدہ کا ویڈیو بیان سامنے آگیا۔
والدہ کا کہنا تھا کہ میرے بچے ایان اورانابیہ رات 12 بجےسے لاپتہ ہیں ، بچے گھر کے قریب فاسٹ فوڈ سینٹر گئے تھے، واپس نہیں آئے۔
انھوں نے بتایا کہ بچوں کو ہر جگہ ڈھونڈا لیکن معلومات نہ مل سکیں ، پولیس کو اطلاع دینے کے باوجود بھی بچوں کا کچھ پتہ نہیں، کسی کو میرےبچوں سے متعلق علم ہو تو براہ مہربانی اطلاع دیں۔
دوسری جانب والد کا کہنا ہے کہ کسی سے لڑائی جھگڑا نہیں ہے ، ہر جگہ بچوں کو تلاش کیا لیکن کہیں نہیں ملے۔
کراچی کے علاقے نارتھ ناظم آباد بلاک ایچ سےکم عمر بہن بھائی لاپتہ ہوگئے ہیں ، ماموں نے بتایا ایان اورانابیہ رات گیارہ بجکر پچاس منٹ پر نیچے اترے تھے۔
ماموں کا مزید کہنا تھا کہ بچوں کے والد کی آٹھ سال قبل اہلیہ سےعلیحدگی ہوگئی تھی،بچوں کی والدہ دبئی میں ملازمت کرتی ہیں, دونوں بچے ماموں کے ساتھ ہی رہتے ہیں۔
حیدری پولیس نے واقعے کی ایف آئی آر درج کرکے تلاش شروع کردی ہے۔
