سعودی ولی عہد شہزادہ محمد بن سلمان نے مدینہ منورہ میں روضہ رسول صل للہ علیہ والہ وسلم پرحاضری دی اور ریاض الجنہ میں نماز ادا کی۔
شہزادہ محمد بن سلمان مسجد قبا بھی گئے اور دو رکعت نماز ادا کی، شہزادے نے حرمین شریفین انتظامیہ، روزہ رسول صل اللہ علیہ والہ وسلم کے خادمین، مملکت کے مفتی اعظم، علما، وزرا اور شہریوں سے ملاقات کی اور عمرہ زائرین سمیت تمام نمازیوں کو پہنچائی جانے والی سہولیات کا جائزہ لیا۔
ولی عہد نے رمضان المبارک کی آمد پر مبارکباد دی اور دعا کی کہ ’اللہ ہم سب کے روزے، عبادات اور نیک اعمال کو قبول کرے‘۔
- Advertisement -
جس کے بعد ولی عہد محمد بن سلمان جمعرات کی صبح مدینہ منورہ سے روانہ ہو گئے، گورنر شہزادہ سلمان بن سلطان اور نائب گورنر نے انہیں رخصت کیا۔
