پی سی بی قومی ٹیم کے لیے ہیڈ کوچ کی تلاش میں ہے اور سابق آسٹریلوی کرکٹر شین واٹسن انتہائی بھاری معاوضے کی پیش کش کی گئی ہے۔
پاکستان کرکٹ ٹیم کی انٹرنیشنل مصروفیات آئندہ ماہ اپریل میں نیوزی لینڈ کے خلاف ٹی ٹوئنٹی ہوم سیریز سے ہو رہی ہے جس کے بعد قومی ٹیم نے آئرلینڈ اور انگلینڈ سے بھی سیریز کھیلنے ہیں اور اس کے بعد امریکا اور ویسٹ انڈیز میں ہونے والے آئی سی سی ون ڈے ورلڈ کپ میں شرکت کرنی ہے۔
پاکستان کرکٹ بورڈ قومی ٹیم کے لیے ہیڈ کوچ کی تلاش میں ہے اور اس کے لیے پی ایس ایل میں کوئٹہ گلیڈیئٹر کے ہیڈ کوچ سابق آسٹریلوی کرکٹر شین واٹسن کو یہ عہدہ دینے کا خواہاں ہے۔
اس حوالے سے ذرائع نے بتایا کہ پی سی بی اس حوالے سے شین واٹسن کے ساتھ بات چیت کر رہا ہے اور بورڈ کی جانب سے انہیں 20 لاکھ ڈالر سالانہ (ماہانہ تقریباً 4 کروڑ 60 لاکھ روپے) کی پیشکش کی ہے جو پاکستان کرکٹ کی تاریخ میں اب تک سب سے بڑا معاوضہ ہے۔
ذرائع کا کہنا ہے کہ پی سی بی اور سابق آسٹریلوی کرکٹر کا معاہدے طے پا جاتا ہے کہ وہ پاکستان کے سب سے مہنگے ہیڈ کوچ ہوں گے۔
