لاہور: گورنمنٹ کالج یونیورسٹی لاہور میں خاتون کو ہراساں کرنے کے معاملے پر انتظامیہ نے انگریزی ڈیپارٹمنٹ کے استاد کو معطل کر دیا۔
انتظامیہ کی جانب سے جاری کردہ نوٹیفکیشن کے مطابق انگریزی ڈیپارٹمنٹ کے استاد کو وقتی طور پر معطل کر رہے ہیں، جب تک تحقیقات مکمل نہیں ہوتی استاد کو کلاسز لینے کی اجازت نہیں ہوگی۔
نوٹیفکیشن کے مطابق معطل استاد کی یونیورسٹی میں داخلے پر پابندی نہیں ہے، واقعے سے گورنمنٹ کالج یونیورسٹی لاہور کی امیج کو نقصان پہنچا ہے۔
- Advertisement -
انتظامیہ نے کہا کہ واقعے سے متعلق تحقیات مکمل ہونے تک کسی کو بیان دینے کی اجازت نہیں ہے۔
19 مارچ 2024 کو خاتون نے یونیورسٹی میں داخل ہو کر استاد پر تشدد کیا تھا۔ انگریزی شعبے کے استاد پر خاتون نے ہراسانی کا الزام لگایا تھا۔
