ہولی کے تہوار کے درمیان، ایک غیر روایتی ڈش گلاب جامن چاٹ کی ایک ویڈیو سوشل میڈیا پر گردش کررہی ہے، کھٹے اور میٹھے کے اس امتزاج نے سوشل میڈیا پر ہلچل مچا دی ہے۔ جبکہ بعض صارفین کی جانب سے اس پر شدید تنقید کا سلسلہ بھی جاری ہے۔
سامنے آنے والی ویڈیو میں دیکھا جاسکتا ہے کہ ایک پلیٹ میں چار دلکش گلاب جامن موجود ہیں۔ تاہم، دہی کی ایک موٹی تہہ اور اس کے بعد میٹھی اور ہری چٹنی ڈالنے کے بعد چاٹ کا ذائقہ تبدیل ہوجاتا ہے، اس کے اوپر انار اور نایلان سیو ہے، جو کہ دہی وڈا کی طرح ہے۔
ایکس پر ویڈیو شیئر کرتے ہوئے ایک صارف نے لکھا کہ ”گلاب جامن چاٹ“ میں روزے سے ہوں ورنہ میں کھانے کی کوشش کرتا۔
ویڈیو منظر عام پر آنے کے فوراً بعد سوشل میڈیا صارفین کی جانب سے سخت رد عمل کا اظہار کیا جارہا ہے، ردعمل ظاہر کرتے ہوئے ایک صارف نے لکھا، (مرنا ہے تو زہر پی لو مگر اسے مجھ سے دور رکھو)۔
افطار میں ’چکن فروٹ سلاد ‘بنائیں، دسترخوان کی رونق بڑھائیں
ایک اور صارف نے تبصرہ کیا، اگر چاشنی نہ ہو تو برا نہیں لگے گا۔ یا صرف میٹھی چٹنی چھوڑ دیں اور صرف کھٹی اور تیکھی چٹنی ڈالیں۔ یہ بالکل برا نہیں ہے۔
