ماہ رمضان میں سحر و افطار کی بروقت تیاری خواتین کا سب سے بڑا مسئلہ ہوتی ہے، ان کی ہر ممکن کوشش ہوتی ہے کہ اہل خانہ کو وقت پر ہر چیز بنا کر پیش کردی جائے۔
اس مقصد کیلئے ان چاہتی ہیں کہ کچھ ایسا بنایا جائے جو جلدی بن جائے اور ذائقہ دار بھی ہو، اسی لیے آج ہم آپ کیلئے بہت زبردست سی چیز لے آئے ہیں جسے چکن فروٹ سلاد کہتے ہیں۔
اس کے اجزاء میں مرغی کی چھوٹی چھوٹی بوٹیاں (اُبلی ہوئی) 2 پیالی، کریم پنیر4کھانے کے چمچے، مایونیز آدھی پیالی، کریم(پھینٹی ہوئی)2کھانے کے چمچے، ملے جلے پھل ایک پیالی شامل ہے۔
اس کے علاوہ سیب(چھوٹا کٹا ہوا)ایک عدد، کٹی ہوئی کالی مرچ آدھا چائے کا چمچہ، بادام(باریک کٹے ہوئے)4کھانے کے چمچے، چینی ایک کھانے کا چمچہ بھی لے لیں۔
ترکیب :
ایک صاف پیالے میں پنیر اور مایونیز یکجان کرلیں۔ اس میں باقی تمام درج بالا اجزاء اچھی طرح ملا کر فریج میں رکھ دیں پھر اسے ٹھنڈا کرکے دسترخوان پر سجائیں۔
