راولپنڈی: : نو مئی کے مقدمے میں سپریم کورٹ سے ضمانت حاصل کرنے والے 5 ملزمان کو اڈیالہ جیل سے رہا ہوتے ہی دوبارہ گرفتار کرلیا گیا۔
تفصیلات کے مطابق 9 مئی مقدمے میں سپریم کورٹ سے ضمانت حاصل کرنے کے بعد اڈیالہ جیل سے رہا ہونے والے 5 ملزمان کو دوبارہ گرفتار کرلیا گیا، پانچوں ملزمان کو 16 ایم پی او احکامات کے تحت گرفتار کیا گیا۔
16 ایم پی او احکامات ڈپٹی کمشنر راولپنڈی نے جاری کئے ہیں ، پانچوں ملزمان کے خلاف تھانہ نیوٹاؤن میں9مئی کا مقدمہ درج ہیں۔
ملزمان کو سپریم کورٹ سے ضمانت ملنے کے بعد گزشتہ رات اڈیالہ جیل سے رہا کیا گیا تھا، سپریم کورٹ نے 20 مارچ کو ملزمان کی ضمانت منظورکی تھی۔
انسداددہشتگردی عدالت میں مچلکے جمع کرانے کے بعد ملزمان کو رہاکیا گیا اور رہائی کے فوراً بعد ایازعباسی اور سیف اللہ سمیت13 ملزمان کو دوبارہ حراست میں لیاگیا۔
سپریم کورٹ نے اےٹی سی نے گزشتہ روز 20 ملزمان کی ضمانت منظور کی تھی۔
